Buku Mardikaning Basa, Sastra, Ian Aksara Jawa punika kaanggit kangge nyekapi kabetahan wulangan basa Jawi ing pawiyatan madya, Sekolah Menengah Pertama (SMP), Sekolah Menengah Pertama Luar Biasa (SMPLB), Ian Madrasah Tsanawiyah (MTs). Buku punika karakit adhedhasar Pedomon Kurikulum Muatan Lokal Bahasa Jawa Jenjang Pendidikan Dasar dan Pendidikan Menengah di Provinsi Jawa Tengah ingkang sampun dipunjumbuhaken kaliyan ngrembakaning basa, sastra, Ian aksara Jawi kangge hanyengkuyung lumampahing Kurikulum Merdeka Mata Pelajaran Muatan Lokal Bahasa Jawa minangka muatan lokal wajib mliginipun ing Provinsi Jawi Tengah, kanthi migatosaken sanget ancasing pasinaon (tujuan pembelajaran) saha pikolehing pasinaon (capaian pembelajaran). Mardikaning Rasa, Sastra, Ian Aksara Jawa mengku sedya bilih dwija (guru) anggenipun hambabar kawruh pitutur luhur saha piwulang becik dhumateng para siswa (murid) sageda katindakaken kanthi mardikaning panggalih jumbuh kaliyan kawontenan (situasi don kondisi) saha empan papan miturut kabetahaning dhaerah (lokal) piyambak-piyambak. Materi pasinaon ingkang kaandharaken ing Buku punika mujudaken ancer-ancer ingkang sipatipun luwes saged dipuntambah punapadene dipunkirangi miturut kabetahan Ian kawicaksananipun ing saben dwija. Dene anggenipun mucalaken kedah kreatif Ian inovatif kanthi raos gumbira supados para siswa tansah tambah tresnanipun dhateng basa, sastra, Ian aksara Jawi, satemah ancasing pasinaon saged ginayuh, Ian kasilipun boten nguciwani.